PANTUN SELOKA ORANG² LAMO,
BUKAN TUO-TUO YO.
1. Omak boli bodak,
Boli sampai duo,
Dulu kito budak,
Nijam ni dah tuo.
2. Poi gumah cino,
Kojo angkek barang,
Dulu anak toruno,
Nijam laki orang.
3. Sopuluh ekor koro,
Logam mcm arang,
Dulu anak daro,
Nijam bini orang.
4. Makan masak tocu,
Gulai ikan guwan,
Dulu jadi cucu,
Nijam jadi Uwan.
5. Kakak anak boranak,
Pantang jumpo gincu,
Dulu dukung anak,
Nijam dukung cucu.
6. Bini orang Maran,
Laki orang Iban,
Dulu gambut karan,
Nijam gambut beguban.
7. Tanam pokok pisang,
Bawah pokok keranji,
Dulu abang sayang,
Nijam abang Haji.
8. Bini Datuk Minhat,
Suko ungkit-ungkit,
Dulu badan sihat,
Nijam sakit-sakit.
9. Dari Sungai Batu,
Poie Dusun Tuo,
Dulu jadi Menantu,
Nijam jadi Mentuo.
10. Makan gulai korang,
Konyang sampai sobu,
Dulu mata torang,
Nijam dah kolabu.
Selamat Hari Wargo Tuo/Lamo. Moga sihat sopanjang maso & SENTIASA INGAT PADA ALLAH SWT YO… 😁😁😁
20102010 